السيسى خربها

دى جملة الأسبراى اللى مكتوبه على جدران البيوت اللى  جنب أفران العيش

جميل ورائع وشئ عبقرى أختيار المكان بجوار أفران العيش البلدى علشان يقرأها المطحونين وتهز ثقة الكتله الحرجه فى إدارة الدوله

ولأن الجمله من كلمتين دون تفسير فمن كتبها ترك للقارئ الخيال فى رسم صورة الخراب حسب ميوله وأهوائه

أذن هنا هذه الجمله المختصره تحتاج الكثير للرد عليها

■■ خربها أزاى وهو مستلم الكهرباء زى الزفت ومش مكفيه مجرد الأناره والتشغيل العادى وكنا بنلطم بالجزم ومش عارفين نشحن حتى الموبيلات وأنتشرت مبيعات مولدات الكهرباء فى المحلات علشان أصحابها يعرفوا يسدووا أيجارتها والنهارده أنت بتسعى لتصدير الفائض للدول المجاوره يبقى خربها أزاى ؟؟؟

■■ خربها أزاى وهو مستلم الطرق زى الزفت والسير على الطرق محتاج جنب رخصة القياده فرقة صاعقه ودورات تأهيل نفسى لتحكم فى الأعصاب والثبات الأنفعالى وكان ترتيبك العالمى 118   والنهارده أنت عندك شبكة طرق قمه فى الروعه وترتيبك عل مستوى العالم 75 يبقى خربها أزاى ؟؟؟

■■ خربها أزاى وهو مستلم بنيه تحتيه للموانى بترتيب عالمى 66 والنهارده ترتيبك 41 يبقى خربها أزاى ؟؟؟

■■ خربها أزاى وهو مستلم البلد وترتيبها فى البنيه التحتيه 125 والنهارده ترتيبها بعد 4 سنوات 70 يبقى خربها أزاى ؟؟؟

■■ خربها أزاى وهو مستلمها فيها أزمة إسكان والنهارده عندى فائض وبندلل عليه وأصبح عندك أختيارات يبقى خربها أزاى ؟؟؟

■■ خربها أزاى وهو مستلم التموين بتدفع على الأقل 24 والنهارده ماببتدفعشى ولا مليم يبقى خربها أزاى ؟؟؟

■■ خربها أزاى وهو مستلمها أنبوبة البوتاجاز محتاجه قوات خاصه للحصول عليها والنهارده بيتحايل عليك يركبلك الغاز وبالقسط فى كل شبر فى مصر وفى 2019 مش حتشوف عربيه ماشيه بأنابيب يبقى خربها أزاى ؟؟؟

■■ خربها أزاى وهو مستلمها الأخوان مولعينها أرهاب فى كل مصيبه والنهارده أنت شايف بنفسك أنحسار الأرهاب يبقى خربها أزاى ؟؟؟

■■ محتاج لكتاب لحجم الأنجازات وفعلا فريقى نجح فى عمل هذا الكتاب ومعاك الرابط نزله من على موقعى للبرامج ولما تخلصه أبقى تعالى ناقشنى الراجل ده جاب وقت وفلوس منين لكل ده

http://www.mediafire.com/file/o5xcedj5zzvbrr5/%D9%83%D8%AA%D8%A7%D8%A8+%D8%A8%D8%B9%D8%B6+%D8%A5%D9%86%D8%AC%D8%A7%D8%B2%D8%A7%D8%AA+%D8%A7%D9%84%D8%B3%D9%8A%D8%B3%D9%89+%D8%AD%D8%AA%D9%89+%D8%A3%D8%BA%D8%B3%D8%B7%D8%B3+2017+%D9%84%D9%84%D8%AC%D9%86%D8%B1%D8%A7%D9%84+%D8%A8%D9%87%D8%A7%D8%A1+%D8%A7%D9%84%D8%B4%D8%A7%D9%85%D9%89.pdf

■■ حتقولى أنا أستفدت إيه من الأنشاءات والأنجازات حقولك خد أقرأ المقال ده

https://genralbahaaelshamy.blogspot.com/2018/06/blog-post_30.html

■■ حتقولى جعان ومش لاقى آكل حقولك أنتهى عصر الدوله اللى تحطلك فى حنكك وأنتهى عصر البطاله المقنعه عالميا وأزاى عاوز تقبض من غير شغل ... الصي بتشغل المساجين بتوعها

■■ حتقولى الأسعار نار حقولك الأسعار أرتفعت فى الكره الأرضيه كلها واحنا عايشين فى وسطها وبنستورد وبنصدر بنفس الأسعار

■■ شوف ياعم الذكى لو عاوز تشوه السيسى تحاول تبحث عن سلبيات فى طريقة الأداره ودى صعبه حبتين لأنه مش مدى لنفسه وقت ياخد نفسه وبيصارع الزمن لكن تيجى فى ملعب السيسى وعاوز تشوهه يبقى لامؤاخذه بتلعب فى البيبى

■■ ممكن بقى توسعلى وأنا بتكلم على الملفت الخارجيه وعلشان ده ملعبى ولو سبت لنفسى العنان مش حتنام أسبوع حكلمك بإختصار وتقولى خربها أزاى ؟؟؟

■■ قولى أستلمها وملفات سوريا وليبيا والسوادن وأثيوبيا وسيناء وعلاقاتك مع دول العالم ودلوقتى وضعها إيه وجاى برضوا تقولى خربها

■■ أستلمها وأتفاقية كامب ديفيد واقع حتمى لاينكره عاقل والنهارده أصبحت حبر على ورق   

■■ طبعا حضرتك متقدرشى تتكلم فى أنجازات التسليح وتطوير الجيش لأن الملف ده بالذات أنت عاوز خرابه وأى أنجاز فيه بتعتبره مصيبه سودا على دماغ حضرتك وجاى تقولى خربها

الشعار الصح واللى مفروض كلنا نرفعه عمل كل ده أزاى فى الفتره البسيطه دى وجاب تمويل لكل ده منين والسؤال الصح لو كان حكمنا مكان مبارك وقعد معانا 30 سنه ومشى بنفس الوتيره كان زمانا فين ؟؟؟

جنرال بهاء الشامى