أهدموا الأزهر أو أطرحوه أرضاً رقم 3

 

من أروع ماقال خبير المخابرات المصريه الذى يعرف كل شئ عن مصر والمصريين عمر سليمان

 

شعبنا غير مؤهل لممارسة السياسه بشكل صحى الآن

 

شعبنا غير جاهز لديمقرطيتكم ولا تعلمون شئ عن شعبنا

 

ركز فى كلام رجل بثقل وحجم عمر سليمان فهو بشكل صحى أذن بعض ممارسى السياسه الأن لايمارسوها بشكل صحى ولكن بشكل مرضى

رحم الله رجل كان يعرف عن المصريين مالايعرفونه عن أنفسهم

العلمانيه هى إبعاد رجل السياسه عن الدين وليس كما يعتقد البعض ويردد فصل الدين عن السياسه فكيف يتأتى ذلك والدوله تعلن رسميا عبر دستورها أنتمائها الدينى أى أن كان نوعه

 

من هنا تكمن صعوبة التعامل مع ملف الأزهر الشريف فهو مؤسسه دينيه صريحه ومنوط بها شأن دينى صريح لكن هناك دوله معاديه لنا أقحمت الأزهر فى ألاعيب السياسه فهى أى تركيا ترتأى أن تأثيرك وأحد أساليبك الناعمه هو مؤسسة الأزهر الشريف وظهر ذلك جليا فى مشاكلها مع فرنسا فهى أى تركيا تريد الأقلال من هيبة الأزهر ليتسنى لها السيطره على مساجد أوروبا حيث يصل عدد المساجد تركيا المتنازع عليها أكثر من 500 مسجد بفرنسا وألمانيا

 

مش عاوز أكون قليل الزوق وأقولك ياجاهل لكن أتوسل إليك أن تبتعد عن ملف الأزهر الشريف وتتركه لرئيس الدوله إلا بقى لو حضرتك لامؤاخذه بتفهم أكتر من رئيس مخابرات سابق

 

قول حق يراد به باطل وهو أنتزاع فتاوى بتجريم الأرهابيين وتعالى نتكلم بالبلدى

 

سنفترض مثلا أننا قمنا الصبح على فتوى من الأزهر الشريف أن الأرهابيين والأخوان ولاد ميتين ..... كفره وتقطع أيديهم ورؤسهم وكل من يعتنق الفكر الأرهابى أو الأخوانى خارج عن الدين وكافر وأبن ميتين كلب وحنفترض اللى مش ممكن يحصل وهو عدم إعتراض باقى الدول الأسلاميه التى يغلب على بعضها الأفكار المتشدده زى أفغنستان وبعض الدول اللى لها مصالح مع الأرهابيين زى تركيا فهل هذه الفتاوى ستوقف تمدد أفكارهم الشاذه

 

صدق أو لاتصدق

هشام عشماوى كان مبتسم وهو طالع على طبلية الأعدام ويردد أيات الأنتصار بالقرآن الكريم فهل حكم الأعدام أرهبه أو حوق فيه

 

الأفكار المتطرفه مش من الكتب بس ودلوقتى من النت والأهم البيت وأتذكر أنه كان مكتوب فى كتب التاريخ على ايامنا فى أبتدائى أن عبدالناصر كان أول رئيس للجمهوريه لكن أمى علمتنى أن أول رئيس كان محمد نجيب ولما قلت كده فى المدرسه حصلت مشكله كبيره ولأنى أبن مدرسة تاريخ المدرسه كلموا أبويا فى الشركه وطلبوا نقلى من المدرسه وأخدت علقه مخدهاش حمار فى مطلع وكانت الحادثه دى سبب التغيير فى حياتى ولما كبرت وأصبح ليا كلمه مسموعه أخدت على عاتقى مهمة تصحيح اللى أقدر عليه فى التاريخ

 

هل أثرت العلقه فيا وهل أثر نقلى من مدرسة امى لمدرسة مرات عمى والنقل من مدرسه كنت فيها أبن الأبله المعزز المكرم لتلميذ عادى فى مدرسة مرات عمى وكنت بنضرب أكتر من زملاتى

 

فى جلسه خاصه مع الدكتور الجامعى (( م . ن )) أحد المرشحين لتولى حقيبة وزارة الزراعه وكانت الجلسه بعد رفضه منصب وزير الزراعه مباشرةً فكان طبيعيا أن أسأله عن سبب رفضه لهذا المنصب وخصوصا أنه معروف عنه النزاهه والطهاره ووزارة الزراعه محتاجه نسف بالنابلم

 

رفض الرجل الكلام لكن بعد أن طمأنه مضيفنا الدكتور أحمد عبادى الذى رتب اللقاء تنهد طويلا ثم بدأ حديثه بتحفظ وطلب عدم نشر مايدور باللقاء لحساسية موقفه ولعدم رغبته فى الدخول فى صراعات

 

قال لى بالنص :

وزارة الزراعه وزاره من الوزارات اليوميه يعنى لو تعطلت يوم واحد الشعب يجوع شهور وعلشان أمسك منصب وزير بتكليف من السيسى وأنا أعلم تماما طهارة السيسى أذن عليا تطهير الوزاره وعلشان أطهرها بدون ماتعطل ساعه واحده محتاج على الأقل 10 سنوات لأحلال القيادات الموجود من تعينات يوسف والى بقيادات صعبة الأختراق

 

ياأستاذ بهاء أو زى مابيقولك الدكتور أحمد يامولانا بالأضافه لأنى محتاج حصانه قويه من القياده السياسيه فليست لدى خطه لكيفية الأطاحه مثلا بمنى محرز البنت الروحيه ليوسف والى وماأدراك مامنى محرز التى تشبه الأخطبوط فى مؤسسات الزراعه بمصر ومحتاج لتعديل بعض التشريعات من مجلس النواب والمجلس الحالى مصر كلها تعلم لماذا وافق السيسى على وجوده كنا محتاجين نكمل الأعلان الدستورى وماينفعشى نقعد فى الوقت الحالى من غير مجلس نواب لحد ماالناخب عندنا يعرف أزاى يختار نوابه وأنا رجل سنى كبير ومش حكمل فى الوزاره كل المده دى ويوسف صديقى ومكن ادخل فى متاهه مع اللوبى اليهودى ودردشنا لمدة ساعتين فى يوسف والى وتاريخه فى كلام معظمه لايصلح للنشر على العامه لكن ملخصه أن تشابك الملفات أحيانا يحول دون فك طلاسمها إلا بعمليه جراحيه بالليزر ومن جراح ولا أمهر من كده

 

فى يوم ولادة حفيدى الأخير كريم اللمبى كنت عند أبنى اللمبى فى البيت وطلبت منهم يحولوا التلفزيون على نشرة الأخبار وطلبت تحديدا قناة الجزيره لأنى بحب اسمع لعدوى قبل صديقى فأنا أعلم ماذا سيقول صديقى ولسه يامؤمن ياموحد بالله ببص على شريط الأخبار لقيت قدامى خبر تغيير منى محرز

 

فركت عينى مره وأتنين وأستنيت إعادة شريط الأخبار حوالى 3 مرات علشان أتأكد من الخبر إلا وعينك ماتشوف إلا النور وروحت مهلل زى اللى فريقه جاب جون فى نهائى بطولة العالم وقلت السيسى أثبت النهارده أنه دكر ورجل المستحيل فشر سلفستر أستنونى

 

سألت ناس كبيره فى البلد متعرفوش أزاى السيسى عملها فكان ردهم مايعرفوش وقالوا ربنا يستر فمكانشى قدامى غير أنى أطلب من الدكتور أحمد إلا أنه يرتب لى لقاء تانى مع فلان الفلانى يمكن يكون عنده أجابه أزاى السيسى عملها وبكررها تانى عاوز أقعد مع الراجل ده لوحدنا يادكتره

 

أنت نفسك فى حاجات كتيره عاوز الدوله تعملها لكن متعرفشى السياسى قدامه الملف برمته عامل أزاى وقيس على كده كل الملفات وشرحت قبل كده أزاى السياسى بيتخذ القرار وحديك مثال

 

السادات أخد قرار طرد الخبراء الروس اللى قلب العالم كله رأسا على عقب وكل التخمينات والتحليلات للخبر وقتها كانت خاطئه ومحدش عرف السادات خد القرار ده ليه إلا بعد الجمسى ماكتب مزكراته وطلع السبب بعيد عن كل التخمينات والتحليلات أذن أنت ممكن متفهمشى ومش لازم تفهم وقتها لأنك جالس فى مدرجات المشاهدين مش على دكة اللاعبين والبدلاء

 

أهدى ياعم الفيسبوكى وبطل تسرع وحكم على الأمور من قشورها الخارجيه فلا تعلم عن خبايا الملفات سوى مايتاح لك منها أو بحد أقصى 5 % فقط فهل هذه النسبه كافيه لأتخاذ قرار صائب

 

متنساش قبل متعمل لايك وتعلق تسلم لى على الحاجه الست أم بيضان بتاعة طبق الملوخيه

 

 

فكر فى كلامى وسيب موضوع الأزهر الشريف على جنب دلوقتى للسياسيين لأنه دخل فيه شق سياسى أكبر من أنك تنحشر فيه

 

سيب العيش للسيسى

                    جنرال بهاء الشامى