السياسه فن مش هز حلموزات وكيف تحاصر أثيوبيا

 

 

الحديث السياسى من الجائز أن تجد جاهل بشئونه يتحدث به ولن يكون حديثه له تاثير أكثر من محيط الدائره التى يتحدث بها ولن يضار كائن من كان بجهله لكن عندما يكون المتحدث سياسى يعمل فى مطبخ صناعة القرار فمن المؤكد أن حديثه سيكون مؤثر على المحيط بل يتخطى ذلك ومن الجائز أن يكون تأثيره ضار على معظم سكان الكره الأرضيه ومن هذا المنطلق نقول أن السياسه فن مش هز حلموزات

 

كيف تخلق أوراق ضغط لترويض خصومك هذه هو موضوعنا الثانى الذى نحن بصدد الأجابه عليه

 

كانت دولة أندوميا دوله متشاطئه قبل إنفصال أريتريا عنها (( مش عارف إيه الخيبه اللى فيها الدول الأفريقيه تضيع منها وجبة اللحمه كلها وتتمسك بأخر وأصغر عظمه متبقيه وأسألو البشير اللى ضيع نصف السودان )) لكن بعض إستقلال أريتريا عن أندوميا فى القرن الماضى أصبحت أندوميا دوله غير متشاطئه أو دوله حبيسه أو دوله لاتتماس مع البحار فى حدودها وعندنا دول كثيره فى هذا الشأن أو التى يطلق عليها دول غير متشاطئه يعنى ملهاش شواطئ على البحار أو المحيطات

 

الجزئيه دى وأنت بتقرأها أنا عارف أنك مش مقدر حجم خطورتها لكن صدقنى اللى أيده فى الميه مش زى اللى أيده فى النار

 

كلنا عارفين أن أرخص أنواع النقل هو النقل البحرى ثم يليه النقل البرى والسكك الحديديه حتى نصل للنقل الجوى بتكاليفه المرتفعه الباهظه

 

نقل السلع بالسفت يجعلها رخيصه عكس نقلها بالطائرات يجعلها مرتفعة الثمن فما بالك ودولة أندوميا بتعتمد على صادرتها وواردتها للنقل الجوى يبقى كده خراب بيوت وكمان ستخرج خارج منافسة أسعار التصدير 

 

أول سلبيات هذه الجزئيه هى عملية التصدير والأستيراد لأنك كدوله غير متشاطئه عليك لتفادى كل اللى قلته أنك تأجر موانئ فى دول مجاوره أو تدخل شريك فى الأداره والتشغيل وتجهز طرق سريعه للنقل من وإلى الميناء المؤجر والدوله الغير متشاطئه وعليك أيضا تأمينها يعنى شغلانه كبيره قوى حضرتك علشان تقدر تصدر منتجاتك لدول العالم بنفس أسعار الدول المتشاطئه

 

أندوميا بتدفع فى الليله دى حضرتك علشان تستورد ولسه متكلمناش فى التصدير ماهى ليله سودا على دماغ حضراتهم بتتكلف مايقرب من 2.25 مليار دولار أمريكى

 

أندوميا بتعتمد على الموانى البحريه فى تصدير 95 % من صادراتها وتنفق عليه المبلغ اللى قلتلك عليه يعنى لو بفرض قفلنا عليها السكه دى شوف تتكلف كام وده يتسبب فى خروجها من منافسة الأسعار العالميه لأرتفاع تكلفة النقل ويزود الأسعار على وارداتها وبالتالى إرتفاع جنونى لأسعار السلع فى أندوميا ويتسبب فى خنقه ماليه وزيادة نسبة الفقراء ومعدومى الدخل

 

كانت أندوميا بتعتمد على أريتريا فى الليله دى وببلاش فى أول الأستقلال لحد ماخدت خازوق تقريبا فى عام 2000 م وأصبح عليها تدفع زيها زى الغريب فلجأت لدولة جيبوتى وميناء جيبوتى  لكن دولة جيبوتى مردومه قواعد أجنبيه وده يخليها تحت رحمة أمريكا والصين وفرنسا وأنجلترا

 

أم أحمد بتاعة البدل كرتون الأنتريهات عارف نقطة الضعف دى من قبل مايوصل للحكم أكيد لأنه واضح من تحركاته أنه عارف الجزئيه دى وعنده خطط شغال عليها علشان ميبقاش تحت رحمة حد

 

أم أحمد عمل أتفاقيات مع خمس دول بجواره وكلها متشاطئه لخلق منفذمينائى للتصدير والأستيراد عبر ميناء بور سودان أيام البشير أسود القلب والوجه وميناء عصب بأريتريا وميناء جيبوتى وميناء بربره بالصومال وميناء مومباسى بكينيا وكلها إتفاقيات لوجيستيه

 

كده عرفنا نقطة ضعف أندوميا وأزاى أم أحمد بتشتغل على تلافيها لكن الدبلوماسيه المصريه كان لها رأى آخر ففى 12 يوليو زار وفد مصرى الصومال لأقامة علاقات لوجيستيه مع الصومال وهنا جن جنون أم أحمد فسارعت الخارجيه الأندوميه بالأعتراض على أسباب الزياره وكده أم أحمد بنفسه اللى وضح لنا نقطة ضعفه لأنك لو أشتغلت على الـ 5 دول المتشاطئه حول أندوميا وعملت معاها علاقات وأتفاقيات لوجيستيه على شوية شراكه فى إدارة الموانئ اللى بتصدر وتستورد منها أندوميا كده تقدر ترفع عليه الرسوم وتعرف تلوى دراع أندوميا وأم أحمد وأعتقد الدبلوماسيه المصريه الآن تحاول إصلاح إهمال مبارك لمنطقة القرن الأفريقى وعودتها لحضن مصر وإستيعاب الدول الأفريقيه الشقيقه لحضن مصر لخنق هذه الزائده الدوديه التى خرجت لنا من رحم الكيان الصهيونى لتهديد مصالحنا فى شريان نهر النيل

 

المقال مالوش صالح بحل مشكلة سد اللمبه التى أفردنا لها عدة مقالات لكنه له علاقه بكيفية الضغط على أندوميا وأرجاعها لصوابها فأن عدتم عدنا وماكنا ببادئين لكن أنتم الظالمين

 

جنرال بهاء الشامى