هل تستطيع مصر ضرب سد اللمبه ؟؟؟

 

تعالى نتكلم كلام ناس عاقلين وفكك من الكلام العبيط بتاع الفيسبوكيين

 

ظروفنا إيه فى موضوع سد اللمبه وماهى فرص نجاحنا فى توجيه ضربه إجهاضيه للمنشآت الملحقه وفكك من الكلام الأهبل

 

أولا : ضرب جسم السد نفسه صعب ومحتاج مالايقل عن 2 طن من القنابل الفرط صوتيه (( تدميرها مثل تدمير القنابل الذريه تماما وأنضرب بها سوريا فى عهد ترامب وتأثيرها على الخرسانات ومخصصه للدروع تحت الأرض وقوة تدميرها قاسيه )) لأن المفروض السد تصميماته تقاوم مثل هذه الضربات وأيضا الزلازل وقبل أى دوله ماتحط إستثمارتها فيه مؤكد شافت تصميمات السد وتأكدت أن فلوسها محطوطه فى مكان أمان

 

ثانيا : ضرب السد نفسه يدخلك فى مشاكل لا حصر لها ولتفادى هذه المشاكل توجيه ضرباتنا للملحقات المعاونه اللى من غيرها السد يتشل ودى بقى متنطوره حوالين السد وتيجى بالقنابل العاديه متوسطة التدمير

 

ثالثا : السد كده كده حيتبى وعملية ضربه هو تأجيل للمشكله واللى يهمنا حل المشكله من جذورها للأجيال القادمه مش تأجيلها

 

رابعا : توجيه ضربه لملحقات السد معناها أننا نقدر نوصل ونحقق أهدافنا ونقدر نعطل السد وندخل أندوميا فى مشاكل تعويضات الشركات المستثمره ودى ضغوط على أندوميا حلها صب بالنسبه لها فى ظل ظروفها المهببه

 

خامسا : مشكلتنا مع أندوميا مش فى ملئ السد لأن الملئ يعتمد على الأمطار  ودى حاجه فى  آيادى ربنا وحده لكن مشاكلنا معهم فى الفنيات ومراقبة الحصص وأين تكون فى أى دوله أجهزة مراقبة الأمطار والحصص وماهى الجهه التى نلجأ لها لو أندوميا أخلت بالشروط الفنيه وماهى آلية تنفيذ أى سدود أخرى علشان الأجيال القادمه ماتشوفشى اللى شايفينه دلوقتى كل شويه وتفضل دى ورقة ضغط على رقبتنا طول عمرنا

 

المشاكل الفنيه والقانونيه لايمكن حلها بالضربات العسكريه لكن بالتفاوض ولو وجهنا ضربه لأندوميا يبقى علشان نجبرها على التفاوض من منطلق التهديد والقوه بعد أن تفشل كل الحلول الدبلوماسيه

 

 

علشان تقعد تتفاوض لازم تمارس على أندوميا حروب التفاوض وهى إستعراض القوه وتعمل شوية تحركات فى المنطقه تظهر إستعدادك لكل الأحتمالات وأندوميا بتمارس عليك ضغوط أيضا بطريقة حرق الوقت لوضعك أمام ظهيرك الشعبى فى موقف الضعيف اللى مش قادر يحل مشاكل بلده

 

طيب تعالى نشوف لو كان الضربه العسكريه لأجبار أندوميا على الجلوس للتفاوض ممكن تحقيقها ولا متقدرشى تضرب من أساسه كما هو واضح من تصريحات مسئولى أندوميا أمام ظهيرهم الشعبى لعمل ألتفاف وطنى أندومى من الشعب الأندومى على ملف السد وده ناجح فيه حتى الآن أم أحمد رئيس وزرائهم

 

مفيش دوله معندهاش دفاعات أرضيه ضد الهجمات الجويه وصحيفة (( ديبكا )) المتخصصه فى الشأن العسكرى هى اللى نشرت تسريبات عن إمداد أندوميا بمنظومة صواريخ (( سبايدر ))

 

 

الصحيفه أو الموقع ده مشهور بالفبركه وأخباره معظمها كاذبه ودائما بيعتمد على مصادر وهميه وينسب أخباره لمصادر مجهوله لكن تعالى نشوف ونفترض أن الأخبار صادقه ماهو الموقف على الأرض

 

 

أندوميا تمتلك 14 طائره سوخوى 27 وأشترتها مستعمله فى التسعينيات بالضافه لكام طائره ميج 21 وميج 29 و 5 طائرات الهجوم الأرضى سوخوى 25 ودى أستبعدها من القصه لأسباب فنيه عسكريه لأنها لاتجيد المعغارك الجويه أو التصدى لهجوم جوى لكنها مخصصه للهجوم الأرضى

 

أندوميا عندها منظومة فولغا وعدلوها وركبوها على دبابات علشان تكون متحركه ومداها 30 كم وتمتلك مجموعة صواريخ أخرى مداها 18 كم من طراز بانتسير

 

 

لنفترض صدق الموقع الأسرئيلى ونقول عندهم نظومة سبايدر الأسرائيليه ودى مداها 50 كم وأرتفاعها 15 كم ودى مخصصه لك أنواع الطائرات بما فيها الطائرات الدرون (( بدون طيار )) وهنا خلى بالك ممكن توجه أول ضربه بطائرت درون علشان يشتروا منظومات متطوره لمواجهتك بها بعد الأعلان عن نيتك بالضرب فعلا وقبل مايشتروا ويركبوا تكون عملت الجلاشه معاهم

 

طيب دى القدرات الدفاعيه لأندوميا لأن أندوميا دوله على قدها عسكريا وحتحاول فى الفتره الجايه تشغل تطبيق الصعبانيات وأنها الدوله الضعيفه قدام مصر المفتريه وأن كانت أندوميا عملت بطولات على أرتريا فهى بطولات مكسح على عيل صغير

 

ماذا تمتلك مصر لو حاولت توجيه ضربه لأندوميا وهل أندوميا تستطيع التصدى للضربات المصريه ده اللى يجاوب عليه الصفقات العسكريه المصريه فى الست سنوات الماضيه

 

 

عندك الرافال ملكة السيطره الجويه ولاتستطيه الموديلات القديمه الأندوميه اللى عملت بها بطولات على أرتريا مواجهة الرافال

 

عندنا السوخوى 35 تمتلك منها خمس طائرات وهى ملكة السيطره الأرضيه ولو عملت سرب مشكل من الرافال والسوخوى 35 يبقى حضرتك حققت السيطره الأرضيه والجويه ولما تاخد معاهم منظومة سبكاتر وتعمل تشويش ضبابى وتسيطر على المنطقه تماما يبقى قول على الهداف الأندوميه المستهدفه يارحمن يارحيم كما حدث فى قاعدة الوطيه من أضعف الطائرات ضد أقوى منظومه دفاعيه صاروخيه أمريكيه بما يصفه الخبراء العسكريين بعملية الأغتصاب العسكريه للقوات التركيه فى قاعدة الوطيه

 

نرجع لورا حبتين وكانت باكستان وجهت ضربات سريعه وخاطفه للهند من سنتين فى مناطق هنديه تحميها منظومة سبايدر الأسرائيليه وفشلت سبايدر فى مواجهة الضربات الجويه ف أقليم كشمير تقريبا على ماأتذكر

 

نفس الصحيفه وبغرض التسخين نشرت أخبار أن مصر غاضيه من نشر منظومة سبايدر لكن المتحدث العسكرى المصرى نفى هذه الشائعات وقال بالنص (( لايوجد مايغضبنا لأننا نمتلك مايحقق لنا حماية مصالحنا ))

 

 

الخلاصه :

 

أى نعرات أو تصريحات أندوميه فى الشأن العسكرى أعتبرها رش مايبلش وكلها موجهه للداخل الأندومى أم القيادات العسكريه المصريه فهى تعرف تماما قدراتها وتعلم من سيقومون بهذه الضربه لو فرضت علينا من الطيارين المصريين وتعلم تماما قدرات أندوميا العسكريه ونعلم تماما أن كلامهم ظرااااااااااااااااااااط إعلامى بدون ريحه لكنها تصريحات للإستهلاك الأعلامى فأن عدتم عدنا ونحن دعاة سلام ومش عاوزين أكتر من حقنا اللى قرره لنا ربنا لكن اللى يدوس لنا على طرف فنحن جاهزين أكثر مما يتخيل فأن عدتم عدنا والبادى أظلم يازبادى

 

جنرال بهاء الشامى