تغيير كامل الوزير بعد سلسله من العمليات التخريبيه

 

هل سيتم تغيير كامل الوزير بعد سلسله من العمليات التخريبيه 

كثر الحديث فى الآونه الأخيره عن مصطلح حروب التخريب وخصوصا فى شهر رمضان هذا العام بالتزامن مع إعلان مصر عن نيتها البدء فى مشروع مركز الطاقه الأقليم وبالتزامن مع واسطات لمحاولة تقريب وجهات النظر بين تورأيا ومصر

 

حروب التخريب تنقسم لعدة أقسام منها مثلا حروب التخريب النشطه العنيفه مثل حوادث القطارات ومنها حروب التخريب السلبيه وعلى سبيل المثال  الدعوه لتغيير وزير النقل بعد كل حادث قطارات

 

يقول عميد المخابرات المصريه أن حروب التخريب تركز نشاطها على محطات ومرافق الكهرباء وخطوط السكك الحديديه والموانى البحريه

 

محطات الكهرباء لأنها مرفق خدمى وحيوى ومؤثر بشكل كبير على سير الحياه والأنتاج ولأن أبراج ومحطات الكهرباء منتشره فى كل مكان فيصعب تأمينها بنسبه كبيره وكذلك مرفق السكك الحديديه وخصوصا القضبان وقطارات الغلابه علشان تسمع إعلاميا وتستدر عطف الغلابه وتهيج مشاعر التيار الأشتراكى أما الموانى البحريه فخطورتها تكمن فى أنها مصدر الواردات والسلع من الخارج وتؤثر بشكل كبير على الجبهه الداخليه

 

يقول صلاح نصر حتميا لابد أن تكون عمليات حروب التخريب فى أماكن تحظى بالضجيج الأعلامى وحيويه ومؤثره وتمس حياة الفقراء للتأثير عليهم سيكلوجيا وهزيمتهم نفسيا

 

كلنا عارفين أن كامل الوزير رجل المهام الصعبه وينجز فى عام ماينجزه غيره فى ثلاث سنوات وأقرب مثال تفريعة قناة السويس والوقت العجازى التى تمت فيه وكل المشاريع التى أسندت للهيئه الهندسيه بالقوات المسلحه المصريه يتم إنجازها فى توقيت أقل من المقرر وخلى دى معاك

 

يقول صلاح نصر أن إبطاء عمليات البناء والتعمير وتأخير العمل بالمشاريع من حروب التخريب حيث يؤثر بطئ التسليم والعمل فى تكبيد الدوله كثير من الأموال لذلك هما مش عاوزين كامل الوزير علشان حتى لو حتطور منظومة السكك الحديديه يكون ببطئ شديد كما يفعلون فى مشاريع المحليات الأنجاز بسرعة السلحفاه  

 

أى نعم كامل الوزير مستهدف وفى حساباتهم لكن مرفق السكك الحديديه هو هدفهم الأول خصوصا أنه من أهم المستهدفات فى حروب التخريب للأسباب السابق ذكرها فتلاقت أهداف أعداء الوطن مع شلة الفاسدين والحراميه فى هذا المرفق فباعوا الوطن لمصالح ضيقه وأقرب مثال هو حالات الأضراب اللى بيعملوها كل شويه عمرك شفتها قبل كامل الوزير فى السكك الحديديه

 

هم عارفين أن السيسى عنيد وحيطور السكك الحديديه يعنى حيطورها يبقى نخلى التطوير تاتا وسنه سنه أحنا ورانا إيه ونرجع لشغل الروتين واللجان وناخد 100 سنه على بال مانطور منظومة السكك الحديديه ولما ننتهى من تطويرها يكون العالم سبقنا ومحتاجين نطورها تانى ونفضل فى نفس الحلقه علشان الساده الحراميه يعرفوا يقلبوا عيشهم

 

هم نفس الناس اللى تكالبوا على هانى المسيرى ونفس المنهج شغالين فيه مع طارق شوقى ونفس المنهج برضوا شغالين فيه مع هالة زايد

 

السيسى فاهم ومذاكر وحافظ الكلام اللى بقوله لذلك لن يستجيب لمؤامراتهم ويغير كامل الوزير ولا حيقرب من هاله زايد ولا طارق شوقى لمكن المشكله فى الهبيده اللى فاكرين السيسى زى مبارك بيغير الوزراء بمزاجه وحسب أهوائه أو أهواء الحاجه أم عيلاء

 

يبقى الصح تركن فى جنب وتنبط وتتفرج علينا وأحنا واقفين خلف بلدنا علشان تطلع فى أول الصف العالمى لكن تجعر وتهبد وتهرى على الميديا محدش حيعبرك حتى لو كنت لميس الحديدى

جنرال بهاء الشامى